CONVIVIALES Coronae

CONVIVIALES Coronae

olim multo in usu. Et primo quidem, antequam luxus irrepsisset sollennium epularum, suam quisque coronam ad convivium ferebat; ut postquam sese plusculum invitâssent, eô sertô, tamquam annulô, munirent sese adversus mala instantia ebrietatis. Sic de Centauris Euripides, Iphigen. in Aulide, actu 4.

Α᾿νὰ δ᾿ ἐλάταισι, ςτεφανώδει τε χλόᾳ

Θίασος ἔμολεν ἱπποβότας

Κενταύρων ἐπὶ δαῖτα τῶ Θεῶν,

Κρατῆρα τȏυ Βάκχου.

Cum abiegnis telis, coronariaque herba

Turba venit equestris

Centaurorum, ad convivium Deorum,

Et craterem Bacchi.

Postmodum Corona convivarum cuivis ab hospite exhibita, idque initiô epularum primum. Euripides, Io, actu 3.

----- ----- ὡς δ᾿ ἐπληρώθη ςτέγη,

Στεφάνοισι κοσμηθέντες ἐυόχθου βορᾶς

Ψυχὴν ἐπλήρουν ----- -----

Completis autem tabernaculis,

Coronis ornati festis dapibus

Animam explebant.

Et apud Athenaeum, l. 15.

Ω῾ς γὰρ εἰσῆλθε τὰ γερόντια, τότε εἰς δόμους

Ε᾿υθὺς ἀνεκλίνετο. παρῆν ὁ ςτέφανος εν τάχει.

Domum ut sunt ingressi vetuli,

Statim accubuerunt, mox aderat corona.

Dein sub finem, ut hôc modô illi, quam parit ebrietas, gravitati et somnolentiae mederentur. Id quod pluribus locis disertim tradit Athenaeus et Plutarchus in Conviv. Sapient. et Theognis in Sententiis; ubi hic de convivio, ad finem properante, versus hos addit,

Χέρνιβα δ᾿ αἶψα θύραζε φέραι, ςτεφανώματα δ᾿ ἐίσω

Ε᾿υειδὴς ῥαδιναῖς χερσὶ Λάκαινα κόρη.

Gutturnium autem statim foras ferat, coronas vero intro

Formosa teneris manibus Lacaena puella.

Gestabantur autem huiusmodi coronae a convivis tantum, et quidem sic, ut illae primo quidem caput, indefrontem, collum tandem redimirent. Anacreon,

Στεφάνους δ᾿ ἀνὴρ τρεῖς ἕκαςος εἶχεν,

Τοὺς μεν` ῥοδίνους, τὸν δὲ ναυκρατίτην.

Coronas vero unusquisque tres habuit,

Quasdam voseas, aliam naucratitem.

Quo de more vide supra ubi de coronis impositis Collo. Quod si magnus hospes tectô excipi non poterat, ei mittebantur, ac tum censebantur inter hospitalia dona, uti legere est apud Tacitum, l. 14. Annal. Porro Numini alicui dicatae erant, idolisque inscriptae, τοῖς εἰδώλοις κατωνόμαςαι, uti habet Clemens Alexandr. Paedagog. l. 2. c. 8. Praeter quas nonnullae etiam inter medios convivas appendebantur oblectandis iis, qui et otiosi et ebrii intuebantur pendulas, uti videmus infra ubi de Cylistis et Encylistiis. Omnes autem ex floribus erant primum, et quidem e rosa inprimis: postmodum augescente luxuriâ etiam aureae gemmataeque esse coeperunt etc. Quam in rem vide plura, apud Car. Paschal. in Coronarum libris passim, inprimis, l. 2. c. 3. et infra in voce Dissoluti.